Quen non pensou algunha vez en voar? Despegar os pés do chan e, como por arte de maxia, flotar na ingravidez do ar? A través do xogo máis primario, o descubrimento do propio corpo e a observación do contorno que as rodea, as dúas personaxes desta historia vense movidas de súpeto por unha curiosidade irresistible: voar!
Nesta procura incansable de alcanzar o ceo, viaxaremos coas protagonistas dende a ilusión e o asombro ata as frustracións e os medos. Unha fantasía que nos invita a preguntarnos se somos quen de soñar, e, sobre todo, se somos quen de descubrir polo camiño do imposible que é o verdadeiramente importante.
Máximo de alumnado: 150 persoas en Vigo, Ourense, Pontevedra, Santiago de Compostela e Lugo, e 100 persoas en Ferrol e A Coruña por cuestión de aforo. Se precisas máis prazas, indícao no apartado de observacións ao reservar.
