Cando Canadá acolle no seu ático a Mónica, unha fan obsesionada con Felipe e co suposto traballo televisivo deste, non se imaxina que rematará involucrado no secuestro dunha das estrelas máis famosas do momento. Un encontro fortuíto que cambiará a vida dos tres para sempre, mais non da maneira que cabería esperar. Esta é a viaxe delirante de tres personaxes rotas que buscan ser vistas.
Unha comedia de suspense sobre o ego, a amizade, as mentiras que nos contamos para sobrevivir e, sobre todo, de como ás veces a vida real e a imaxe que proxectamos nas redes sociais non coinciden.
Encontro: despois do espectáculo, o escenario convértese nun foro aberto. Os actores e as actrices da obra, os protagonistas das diferentes series televisivas e o público poderán debater sobre as persoas que consideramos influentes e que non sempre son o que parecen. Un convite a seguir pensando e aprendendo.
Máximo de alumnado: 150 persoas en Vigo, Ourense, Pontevedra, Santiago de Compostela e Lugo, e 100 persoas en Ferrol e A Coruña por cuestión de aforo. Se precisas máis prazas, indícao no apartado de observacións ao reservar.
