A experiencia sensorial inmersiva de «Hábitats» chega a Vigo. Xunto coa Fundación Cidade da Cultura e a Xunta de Galicia, Afundación invítavos a explorar a diversidade dos ecosistemas do planeta Terra. Coñece esta proposta innovadora que fusiona o mundo físico e o dixital, permitindo estar en oito destinos únicos grazas ás tecnoloxías de realidade virtual (VR) e realidade aumentada (AR).
«Hábitats. Natureza estendida» lévanos desde o deserto de Sonora, nos Estados Unidos, ata a Gran Barreira de Coral australiana, ou desde o mar de Weddell, na Antártida, ata a Cova de Ceza, en O Courel, entre outros. Na nosa aventura atoparemos elefantes, osos, tartarugas, baleas, cágados e moitas outras especies ás que teremos o privilexio de observar de preto nos seus propios hábitats grazas ás lentes de realidade virtual.
