Innovador proxecto escolar pola sostibilidade, que une cultura e creatividade.
Imos facer un mural con pinturas sostibles no teu centro! Faremos murais artísticos, colaborativos e ecolóxicos a través de pinturas fotocatalíticas que absorben e depuran os contaminantes que hai no aire, coma os óxidos de nitróxeno e outros gases xerados pola industria ou o tráfico rodado. Unha proposta que ten como obxectivo achegar ao estudantado unha mensaxe positiva sobre o coidado da contorna, propoñendo alternativas de lecer que fomentan o respecto polo medio natural a través da arte, cunha metodoloxía participativa e colaborativa.
O proxecto consiste en coordinar o alumnado participante para pintar un mural con temáticas relacionadas co medio ambiente, nunha parede designada polo centro. A actividade complétase cun obradoiro de pintado de bolsas de tea, seguindo a temática medioambiental, o que facilita a toma de conciencia sobre a importancia da natureza.
