Os últimos acontecementos sociais demostraron que, máis alá da formación intelectual e física, a educación emocional é fundamental para o desenvolvemento. A atención relacionada con competencias emocionais revelouse, na actualidade, coma unha necesidade á que se enfrontan escolares, profesorado e familias.
Co obxectivo de dotar de ferramentas aos e ás máis mozas que lles axuden a comprender mellor os seus sentimentos e a súa contorna social, presentamos un programa específico orientado á saúde emocional con conferencias e obradoiros.
Obradoiros artísticos sobre emocións a cargo do escritor Pedro Feijoo. Boa parte do traballo das persoas artistas consiste xustamente en enfrontarse ás súas propias emocións para, a través do proceso creativo, atopar a maneira de darlles forma. Ás veces, trátase de manifestar aquilo que fai que nos sintamos viv@s. Outras, de facerlle cara a aquilo que nos atemoriza. Mais sempre, sempre, comunicándonos. A través da experiencia de Pedro Feijoo aprenderemos a canalizar as emocións para convertelas en algo novo. Unha creación que sexa comunicable e visible. Tanto para as e os demais como, sobre todo, para un e unha mesma…
