O teatro participativo será a ferramenta máis útil, práctica e divertida para aprender inglés.
Action! é un espectáculo visual e cinematográfico onde o humor (xestual e verbal) e o poder evocador da música do cine se converten en ferramentas para representar e parodiar as máis famosas escenas do mundo do celuloide. Os actores recrean a maxia do cine multiplicándose en infinidade de personaxes e provocando innumerables situacións hilarantes e surrealistas que nos adentran nas escenas de acción, de amor, dramáticas ou de suspense das películas que todo o mundo recorda.
Máximo de alumnado: 150 persoas en Vigo, Ourense, Pontevedra, Santiago de Compostela e Lugo, e 100 persoas en Ferrol e A Coruña por cuestión de aforo. Se precisas máis prazas, indícao no apartado de observacións ao reservar.
