Esta iniciativa de carácter nacional, que en Galicia organizan conxuntamente Afundación e a Asociación Galega da Empresa Familiar, ten como finalidade dar a coñecer o papel e a relevancia das empresas familiares na economía e na sociedade, e fomentar o emprendemento entre a xuventude a través do contacto directo co mundo empresarial.
O programa permite o contacto directo coas empresas familiares, e concrétase na impartición de conferencias de destacadas personalidades do eido empresarial galego de carácter familiar en colexios e institutos, ao que se suma a realización de visitas das alumnas e alumnos ás empresas participantes.
Os centros educativos que participen no programa poderán propor ao seu estudantado o desenvolver un proxecto de negocio que se poderá presentar ao concurso Imagina tu empresa.
