O teu centro pode seguir desde a aula o relatorio «Prevención de condutas sexistas» que se emite en directo a través de Afundación TV o mércores, 25 de novembro de 2026, ás 11.00 h (hora peninsular), coincidindo co Día Internacional da Eliminación da Violencia contra a Muller. A actividade é gratuíta e está dirixida a alumnado de ESO, Bacharelato e ciclos formativos.
Preguntar en lugar de sinalar
Iñaki Lajud propón un relatorio interactivo de 45 minutos seguido dunha quenda de preguntas. O enfoque foxe do discurso da culpa e da confrontación: trabállase desde a emoción, non desde a ideoloxía, porque o cambio real nace da identificación persoal.
Obxectivos
- Comprender a igualdade desde o emocional
- Ofrecer unha mirada propositiva da masculinidade
- Xerar reflexión que se traduza en actitudes
- Contextualizar o papel da pornografía e da manosfera nas expectativas xuvenís sobre que significa «ser home»
Contidos chave
- Perspectiva de xénero e transversalidade
- Impacto da pornografía nos guións sexuais
- Que é a manosfera e por que conecta emocionalmente
- Estereotipos, custos e privilexios do modelo tradicional
- A pirámide da violencia, do sutil ao explícito
Iñaki Lajud é psicólogo, consultor de igualdade e sexólogo clínico, especialista en violencia de xénero e novas masculinidades. Creou o proxecto «Fuera de la caja», que cuestiona os modelos de masculinidade hexemónica e promove a igualdade. Conta cunha ampla experiencia en intervención directa, formación de profesionais e docencia universitaria.
Como seguir o relatorio
Emítese en directo a través de Afundación TV e cada centro conéctase desde a súa aula. A charla é en castelán.
