Iniciación ao coñecemento dunha biblioteca. Sesións formativas onde se traballa con seleccións temáticas escollidas e adaptadas aos grupos de idade dende unha perspectiva que facilita a aprendizaxe lúdica e creativa.
Neste curso, continuaremos coa oferta de visitas escolares ademais de servizos de información bibliográfica, préstamo, boletín mensual de novidades, exposicións bibliográficas…
Con máis de 50 anos de historia, a nosa biblioteca está especializada en literatura infantil e xuvenil e conta con 22 000 libros e 750 DVD. Dispón do fondo máis completo de libro infantil e xuvenil publicado en galego. Un centro de referencia para especialistas da LIX coas novidades máis destacadas do panorama literario actual.
Un espazo único para compartir, aprender, imaxinar e crear.
