Actividades escolares
A exposición itinerante «Castelao grafista. Facsímiles» chega á Casa das letras da Estrada, da man do programa «Corrente cultural» de Afundación. Nesta ampla selección de facsímiles, debuxos e caricaturas, repasamos as múltiples facetas do rianxeiro Alfonso Daniel Rodríguez Castelao: debuxante, escritor, político e un dos ideólogos máis singulares da cultura galega. Unha ocasión para redescubrir a súa figura e o seu legado a través dunha visita guiada e un obradoiro.
modalidade
Presencial
LUGAR
Casa das Letras (A Estrada)
ETAPA ESCOLAR
a partir de 5o de Primaria
DURACIÓN
90 minutos
IDIOMA
Castelán, Galego
PREZO
De balde / Cultura por alimentos
PERIODO ESCOLAR
Primeiro trimestre do curso
AFORO
-
A partir deste curso, o acceso e a xestión de toda a oferta educativa de Afundación faise a través dun novo espazo dixital: a Área Privada de Centros Educativos.
Como accedo?
Cada centro educativo ten xa un usuario creado no seu enderezo de correo oficial (o mesmo que consta na Xunta de Galicia). Se aínda non recibiches o correo co enlace de acceso, revisa a caixa de correo do centro — incluída a carpeta de spam — ou ponte en contacto con nós en areaeducativa@afundacion.org.
Ao premer no enlace por primeira vez, terás que crear o teu propio contrasinal. Por motivos de seguridade, ese contrasinal só o coñeces ti: Afundación non o xestiona nin ten acceso a el.
A partir dese momento, podes entrar en calquera momento en actividades.afundacion.org co teu correo oficial e o contrasinal que creaches.
Importante: isto é unha preinscrición, non unha inscrición confirmada
Cando envías unha solicitude desde a Área Privada, a praza non queda reservada automaticamente. O que fas é unha preinscrición: o noso equipo revisa cada petición para organizar os grupos e coordinar correctamente o calendario de actividades.
En canto a solicitude sexa revisada, recibirás un correo electrónico coa confirmación (ou, se é o caso, co estado da túa solicitude). Non fai falta que fagas ningún paso adicional — nós avisámoste.
