Esta iniciativa ten como finalidade dar a coñecer o papel e a relevancia das empresas familiares na economía e na sociedade, así como fomentar o emprendemento entre a xuventude a través do contacto directo co mundo empresarial.
O programa combina conferencias de destacadas figuras de empresas familiares galegas en colexios e institutos con visitas do alumnado ás empresas participantes.
Os centros educativos que participen no programa poderán realizar un obradoiro educativo para desenvolver un proxecto de negocio que se poderá presentar ao concurso «Imaxina a túa empresa».
