A exposición ¡Miña nai! Maternidades e crías no mundo animal propón unha achega artística e educativa ás relacións entre nais e crías na natureza. A través de imaxes e relatos protagonizados por especies tan diversas como bonobos, tigres, crocodilos ou cabaliños de mar, a mostra invita a reflexionar sobre os paralelismos entre o comportamento animal e o humano.
O percorrido complétase con actividades escolares adaptadas a cada etapa educativa, que fomentan a observación, a curiosidade e o respecto polo medio natural. Unha proposta que pon en valor o reino animal e vexetal como un dos nosos maiores tesouros e subliña a importancia da súa conservación e coidado.
Actividades escolares
3.º de ESO a Bacharelato e Ciclos Formativos · Visita-obradoiro · ¡Miña nai! Maternidades e crías no mundo animal
Infantil a 4.º de Primaria · Visita-conto con obradoiro · Cabeza de bubela
5.º de Primaria a 2.º de ESO · Visita-obradoiro · Nai non hai máis ca unha
