Desde as primeiras intervencións en covas ata as expresións artísticas contemporáneas, o obxecto foi fonte de inspiración, material simbólico e campo de exploración para as e os artistas. Historicamente, foi o protagonista do xénero do bodegón, presente xa desde que os antigos exipcios decoraban as tumbas con pinturas de froitas ou vexetais para alimentar as persoas no alén. Desde o barroco, fascinou as e os máis grandes
pintores. E na actualidade, converteuse nun xénero moi prezado e versátil.
A través da Colección de Arte Afundación, imos gozar dunha visión global que vai do impresionismo ao cubis-
mo ou ao hiperrealismo ata chegar ao conceptual. Co fin de contalo ben, creamos este programa educativo para todas as idades. Nel, ademais de falar de arte, experimentaremos con programación e robótica e tere-
mos un ollo posto na sustentabilidade.
