A pluralidade como concepto central que nutre estilos, técnicas e perspectivas é a idea da
que emerxe DIVERSA, V Mostra Internacional de Ilustración Contemporánea (MiiC#5),
que achega a Santiago de Compostela unha selección das propostas máis representativas da
ilustración actual. Nesta V edición, a MiiC explora como a variedade cultural, a conexión coa
nosa contorna e as experiencias persoais dos artistas converxen para dar forma a un discurso
visual que dialoga cos grandes retos e temas do noso tempo.
Para coñecermos mellor todos estes aspectos, desde a Área Educativa de Afundación
poñemos en marcha un completo programa didáctico para todas as idades:
- INFANTIL a 4º PRIMARIA | Visita-conto con obradoiro: «Universo Diverso».
- 5º PRIMARIA a 2º ESO | Visita-investigación con obradoiro: «Ilustrando un mundo diverso».
- 3º ESO, BACHARELATO e CF | Visita guiada con obradoiro opcional: «DIVERSA. V Mostra Internacional de Ilustración contemporánea».
