En coordinación coa Fundación Junior Achievement, este programa impárteo o persoal voluntario de ABANCA e Afundación.
Dirixido a estudantes de 3.º e 4.º da ESO, ten como obxectivo activar na xuventude a reflexión sobre a importancia da educación financeira nas súas vidas.
O programa consta de 3 sesións de 50 minutos semanais, en 3 semanas consecutivas, impartidas por voluntariado con experiencia no sector financeiro.
Ao longo do programa, aprenderán a facer un orzamento equilibrado e tomarán consciencia da importancia do aforro e de planificaren as súas finanzas de cara aos posibles imprevistos que poidan xurdir. Ademais, traballarán os conceptos de banca dixital e ciberseguridade, así como algunhas das modalidades de fraude financeiro cibernético máis comúns, co fin de promover a súa detección e prevención.
