Antonio Mingote. A intelixencia do trazo

Artes Plásticas

Antonio Mingote (Sitges, 1919 – Madrid, 2012) foi un dos grandes nomes do humor gráfico durante o século XX e os primeiros anos do XXI. Desde os seus inicios ata os seus últimos traballos en ABC, desenvolveu un estilo persoalísimo que o converte en figura clave da cultura visual contemporánea. Esta exposición retrospectiva, titulada «Mingote. A intelixencia do trazo», propón un percorrido temático e cronolóxico pola obra do debuxante, ilustrador e humorista, abordando a súa traxectoria artística desde os primeiros bosquexos ata as súas creacións máis emblemáticas. O seu debuxo foi vehículo de humor, tamén de pensamento crítico e reflexión humanística.

Afundación acompáñaa cunha programación escolar para todas as idades:

Etapa escolar:

Visita conto con obradoiro para escolares desde infantil a 4.º de E.P.: «O lapis de Mingote»
Visita obradoiro para escolares desde 5.º de E.P. ata 2.º da ESO: «Mingote, o trazo fino con humor divino»
Visita obradoiro para escolares desde 3.º da ESO, Bacharelato e CF: «Mingote. A intelixencia do trazo»

modalidade

Presencial

LUGAR

Sede Afundación Ferrol

ETAPA ESCOLAR

Infantil, Primaria , ESO, Bacharelato e Ciclos formativos

DURACIÓN

90 minutos

IDIOMA

Castelán, Galego

PREZO

2€ por escolar

PERIODO ESCOLAR

Primeiro trimestre

A partir deste curso, o acceso e a xestión de toda a oferta educativa de Afundación faise a través dun novo espazo dixital: a Área Privada de Centros Educativos.

Como accedo?

Cada centro educativo ten xa un usuario creado no seu enderezo de correo oficial (o mesmo que consta na Xunta de Galicia). Se aínda non recibiches o correo co enlace de acceso, revisa a caixa de correo do centro — incluída a carpeta de spam — ou ponte en contacto con nós en areaeducativa@afundacion.org.

Ao premer no enlace por primeira vez, terás que crear o teu propio contrasinal. Por motivos de seguridade, ese contrasinal só o coñeces ti: Afundación non o xestiona nin ten acceso a el.

A partir dese momento, podes entrar en calquera momento en actividades.afundacion.org co teu correo oficial e o contrasinal que creaches.

Importante: isto é unha preinscrición, non unha inscrición confirmada

Cando envías unha solicitude desde a Área Privada, a praza non queda reservada automaticamente. O que fas é unha preinscrición: o noso equipo revisa cada petición para organizar os grupos e coordinar correctamente o calendario de actividades.

En canto a solicitude sexa revisada, recibirás un correo electrónico coa confirmación (ou, se é o caso, co estado da túa solicitude). Non fai falta que fagas ningún paso adicional — nós avisámoste.