Outras historias posibles é un proxecto expositivo que reúne o traballo de seis artistas vencelladas a Galicia que destacaron na década dos anos 80. A través das súas obras, a mostra propón unha relectura de realidades cotiás tradicionalmente invisibilizadas, vinculadas cos roles de xénero, a maternidade, as estruturas sociais e educativas ou as modas.
Dirixida tamén ao público escolar, a exposición convida a reflexionar sobre a pluralidade do talento e a incorporar novas referentes á historia da arte contemporánea. As actividades didácticas están deseñadas para fomentar o pensamento crítico, a creatividade e o diálogo desde idades temperás.
Actividades escolares
3.º de ESO a Bacharelato e Ciclos Formativos · Visita guiada con obradoiro opcional · Outras historias posibles
Infantil a 4.º de Primaria · Visita-conto con taller · Creadoras de fantasía
5.º de Primaria a 2.º de ESO · Visita-investigación con taller · Descubrindo realidades ocultas
