Afundación, Obra Social ABANCA cumprimos 10 anos como un dos axentes máis destacados da vida cultural e social de Galicia. Sendo a Colección de arte de Afundación un dos principais eixos de divulgación da cultura galega, este outono, presentamos SIMULTÁNEA, un macro proxecto que implica á Colección nas súas 7 cidades a través de 7 exposicións que contan con actividades escolares para todas as idades, e onde a arte e a historia, a programación e a robótica, así como a creatividade e a sustentabilidade son algúns dos ingredientes principais.
O obxecto foi o protagonista historicamente do Bodegón, un xénero que na actualidade se converteu en diverso, prezado e versátil. A través da Colección de Arte Afundación gozamos dunha visión global que abrangue desde formulacións formais próximas ao impresionismo, ao cubismo ou ao hiperrealismo ata chegar ao conceptual, e que conforma un exemplo incomparable das múltiples expresións da plástica galega dese período.
O obxecto é a base do programa escolar orientado a todas as idades e onde combinamos arte, programación e robótica, con creatividade e sostibilidade:
- Infantil a 4º Primaria | Visita-conto con obradoiro | Co meu dedo creo un desexo
- 5º Primaria a 2º ESO. | Visita guiada adaptada con obradoiro | @s ready-mades de Galicia
- 3º e 4º ESO, bacharelato e CF | Visita comentada con obradoiro opcional | Simultánea. O obxecto contemporáneo e doméstico na Colección de arte Afundación
