Afundación, Obra Social ABANCA cumprimos 10 anos como un dos axentes máis destacados da vida cultural e social de Galicia. Sendo a Colección de arte de Afundación un dos principais eixos de divulgación da cultura galega, este outono, presentamos SIMULTÁNEA, un macro proxecto que implica á Colección nas súas 7 cidades a través de 7 exposicións que contan con actividades escolares para todas as idades, e onde a arte e a historia, a programación e a robótica, así como a creatividade e a sustentabilidade son algúns dos ingredientes principais.
Mil cincocentos quilómetros de costa, vinte e un cabos, centos de quilómetros de acantilados, incontables praias, portos… fan de Galicia un territorio único onde a terra remata e comeza o mar. O tema mariño é abordado por diferentes artistas da Colección de Arte Afundación desde múltiples puntos de vista reais e imaxinados. As mariñas, os portos, as embarcacións, os oficios, os faros…, teñen cabida nesta mostra.
Desde a nosa área educativa poñemos en marcha as seguintes actividades para escolares coas que combinamos arte, programación e robótica, con creatividade e sostibilidade:
- Infantil a 4º Primaria | Visita-conto con obradoiro | SOS Maruxaina
- 5º Primaria a 2º ESO | Visita guiada adaptada con obradoiro | Portos, faros e acantilados…
- 3º e 4º ESO, bacharelato e CF | Visita comentada con obradoiro opcional | Simultánea. Escenas de costa e mar aberto na Colección de Arte Afundación
