Fomento da lectura e educación en valores. Aprendizaxe social e emocional inspirada nos programas S.E.L.
Neste curso continuaremos coa oferta de visitas escolares. O centro ofrece, ademais, un amplo e completo programa de actividades de animación lectora, con sesións de contacontos, obradoiros, presentacións de libros, conferencias, exposicións bibliográficas, escolmas temáticas, etc. Ademais, seguirase completando o fondo bibliográfico coas novidades máis salientables do panorama literario actual.
Unha biblioteca especializada en literatura infantil e xuvenil que conta con máis de 21 600 libros e 750 DVD. Un espazo único para compartir, aprender, divertirse, crear e soñar.
