«O impacto da arte no benestar emocional» con Ferrer i Balsebre. O especialista compartirá a súa visión sobre a importancia das artes como ferramenta para canalizar e expresar as emocións, resaltando como a creatividade pode ser un camiño enriquecedor para o benestar e a saúde mental. Unha reflexión que convida a valorar a arte non só como expresión, senón tamén coma unha vía para o equilibrio interior.
Ferrer i Balsebre
Dirixiu os Servizos de Saúde Mental na Coruña e en Santiago de Compostela. É doutor en Medicina, psicoterapeuta, e forma parte como Académico Numerario da Real Academia de Medicina e Cirurxía de Galicia. Ademais da súa carreira clínica, é escritor e ensaísta, achegando cos seus textos unha visión profunda e enriquecedora sobre temas de saúde e sociedade. Durante máis de dez anos, colaborou como articulista no diario La Opinión da Coruña, e a partir de 2013, forma parte do equipo de La Voz de Galicia.
