Implicación social. Teatro participativo en inglés.
O teatro participativo será a ferramenta máis útil, práctica e divertida para aprender inglés. James Blob, axente 003 ½, ten como misión combater a malvada Dra. Z. Nun intento por dominar o mundo, a Dra. Z conseguiu un perigoso virus co cal espera manipular e controlar os gobernos mundiais. Para detela, James necesita confiar no seu adestramento como espía, nos gadgets que os Servizos Secretos da súa Maxestade lle van proporcionar e, sobre todo, na valiosa axuda do público.
