Obra sobre acoso virtual. Encontro cunha experta.
Unha mañá aparece fronte á porta dun instituto unha pintada que reza “GOLFA”, un insulto anónimo que destapa a historia que o precede. Amanda e Fran foron parella fai uns meses, adolescentes cuxa experiencia é a de tantos, unha relación que se viu truncada. Este feito non tería relevancia algunha se inmediatamente despois desta ruptura, Amanda non tivese sufrido un terrible acoso virtual que leva os seus pais a denunciar a posible autoría de Fran detrás deste feito.
Unha palabra pode cambiar o curso dunha historia, como nos relacionamos coa nosa contorna e esta con nós. Detrás dun insulto poden esconderse algúns dos males que nos asolan como sociedade. Unha obra feita co apoio da Fundación Sexpol, Col. Oficial Psicólogos de Madrid.
De todas as actividades presenciais, farase unha función acompañada de linguaxe de signos na localidade de Vigo.
ENCONTRO
Tras a obra de teatro, desenvolverase un encontro coa sexóloga Bárbara Penas que coordinará e dirixirá un debate sobre o tema, con espectadores e os actores e actrices. Bárbara Penas é traballadora social e sexóloga especializada en xénero pola Fundación Sexpol. Desde 2017 acompaña centros educativos a través de sesións en sexualidade e igualdade para a transformación social.
