Daniel Millán, psicólogo especializado en autismo, axudaranos a afondar e comprender con maior profundidade o mundo do Trastorno do Espectro Autista (TEA), compartindo a súa experiencia e aproximándonos a unha realidade chea de matices e riqueza coa conferencia «Entendendo de verdade o autismo»
Daniel Millán López
Licenciado en Psicoloxía Clínica e da Saúde pola Universidade Complutense de Madrid. Desde hai máis de vinte anos está dedicado ao traballo con persoas autistas de todas as idades e á psicoloxía clínica en xeral. A súa formación e iniciación profesional no campo foi a través da Asociación de Pais de Nenos Autistas (APNA) e no gabinete de diagnóstico DELETREA, entre outras. Durante máis de tres anos foi director xeral e máximo responsable técnico da Asociación de Pais de Nenos Autistas de Badaxoz. Actualmente, traballa facendo terapia e diagnósticos para persoas de todo o mundo e é o autor dos libros Guía Autista – Consejos para sobrevivir en el loco mundo de los neurotípicos (Lulu, 2021), Es autista, ¿y ahora qué? (Destino, 2024) e do conto Tengo una chispa en la cabeza (Pengüin, 2025).
