Nesta charla exploraremos o fascinante e complexo fenómeno da adicción da man de datos científicos. Analizaremos as súas fases e como se manifesta no comportamento, ademais de afondar nos mecanismos cerebrais que a sustentan.
A conferencia será impartida por Lucía Hipólito, neurocientífica especializada en adiccións e recoñecida divulgadora científica. Lucía traballa no campo da investigación sobre o comportamento do cerebro ante determinadas substancias e como estas poden levar ao desenvolvemento da adicción. No seu traballo explora os factores que fan a algunhas persoas máis vulnerables á adicción e como o sexo/xénero xoga un papel fundamental nesta vulnerabilidade.
Durante a charla, Lucía compartirá descubrimentos científicos recentes sobre como as drogas “hackean” os circuítos neuronais e alteran os procesos naturais do cerebro. Tamén abordará os factores de protección e vulnerabilidade e ofrecerá unha revisión das actuais opcións de tratamento, abrindo unha reflexión sobre como evolucionarán no futuro.
Obxectivo da conferencia: achegar ao público escolar e ás familias unha comprensión máis profunda do funcionamento do cerebro ante as drogas, promovendo a prevención como a mellor estratexia para combatelas.
